Nayi Bahu Ko Lag Gaye Dast | Saas Bahu Ki Kahani | Hindi Kahaniya

Nayi Bahu Ko Lag Gaye Dast

Assalamualaikum dosto! Is naye series ki kahani mein aap sabka swagat hai. Aaj ki kahani ka naam hai – “Nayi Bahu Ko Lag Gaye Dast” Yeh ek saas-bahu ki kahani hai. Agar aapko Hindi kahani, sikhne ki kahani ya sone ki kahani padhne ka shoq hai toh is kahani ko poori zaroor padhein.

Nayi Bahu Ko Lag Gaye Dast | Saas Bahu Ki Kahani | Hindi/Urdu Kahaniya

Arpita ki shaadi ke theek ek din pehle, sagai ka function tha. Uske sasural wale zabardasti use khilane-pilane mein lage hue the.

Har koi yahi keh raha tha ki nayi bahu ko main pehle khilaunga, koi kahe main pehle khilaungi. Yahi karte karte Arpita pareshan ho gayi. Par woh kya hi kehti?

Zabardasti sab photo khichwane ke chakkar mein Arpita ke munh mein zabardasti barfi aur rasgulle ke tukde bhar rahe the. Jab khana khane ki baari aayi toh sabne table saath mein laga li.

Ankit ki behan, Alpita khao na, tum toh kuch kha hi nahi rahi ho. Agar ab bhookhi rahogi toh kal phir phere ke samay tumhein bhookh lagegi, haan.

Ankit ki jija ji, Arre saale sahab! Arpita ko bhi toh kuch khilao, khud hi khaye ja rahe ho.

Ankit, Jeeju, maine kahan mana kiya hai? Khao Arpita, nahi toh sab mujhe hi dosh denge.

Ankit ki maa, Arre! Tum sab chhodo, Arpita bahu mere haathon se gulab jamun khayegi. Kyon… khayogi na?

Arpita kya hi kehti? Woh chupchaap apni hone waali saas ke haathon se poora gulab jamun kha leti hai.

Ab toh hone waali mami, bua, maasi, bhanja, bhanji, bhatija, bhatiji ab Arpita ke munh mein zabardasti khana thoons rahe the.

Arpita pareshan toh ho rahi thi, par woh naye rishton ka dil rakhne ke liye chupchaap us samay sagai ke function mein khati rahi.

Us raat toh jaise taise Arpita so gayi. Agale din uski shaadi thi. Shaadi ke function mein bhi subah se reeti-rivaz shuru ho gaye.

Ye Story Bhi Dekhen : Main ne 26 saal se ek hi khwab dekha hai

Nayi Bahu Ko Lag Gaye Dast | Saas Bahu Ki Kahani | Hindi/Urdu Kahaniya

Mayake mein aaye mehmano ne sabhi reeti-rivazon nibhate huye Arpita ko kuch na kuch khilana shuru kar diya. Jo mehman aaye, Arpita ke munh mein mithai aur khane ki cheezein khilate rahe.

Arpita, Bas chachi ji, aur mann nahi hai.

Chachi, Arre! Thoda sa toh khao, phir shaadi ke baad hum kaun sa khila paayenge, haan?

Tai, Abhi toh meri baari rah gayi hai, ruko. Ye le bitiya, ek nawala meri taraf se bhi kha.

Arpita, Mummy, bas… mujhe aur bhookh nahi hai. Ye reeti-rivaz kitni der aur chalenge? Ab Ankit ke mummy papa bhi aakar gaye hain. Unhone bhi mujhe bahut saara khila diya hai.

Maa, Arpita, aise kisi ko mana nahi karte, achha nahi lagta. Koi baat nahi, thoda khao, waise bhi ab teri shaadi ho jaayegi. Phir kaun sa teri chachi, tai aur maami wagairah ko tujhe khilane ka mauka milega? Ruk… tere mama ji aur papa bula rahe hain, main abhi aati hoon.

Kisi tarah Arpita ki shaadi ho jaati hai aur shaadi ke baad woh apne sasural aati hai. Par shaadi ki raat se hi Arpita ke pet mein gadbad ho rahi thi.

Jaise taise usne pheron ke samay apne aap ko sambhal liya, par sasural pahunchte hi uski haalat bigadne lagi.

Ab nayi naweli bahu kise kahe aur kaise kahe? Ankit ki behan, Arpita, maa ne tumhare liye yeh garam garam nashta bheja hai, tum jaldi se kar lo. Phir kuch der baad mohalle ki auratein aayengi aur tumhari munh dikhai ki rasam hogi.

Arpita, Babli didi, woh main…

Ankit ki behan, Arre! Sharminda kaisa? Mujhe pata hai aapke liye ghar naya hai isliye aapko mere samne khana khane mein sharm aa rahi hai. Theek hai, tum khao, main thodi der baad dobara aati hoon.

Arpita, Didi, Ankit kahan hai?

Ankit ki behan, Ankit… woh toh apne jiju ke saath neeche hall mein nashta kar raha hai.

Arpita ki nanad dheer saara makhan lagakar aloo ke paranthe aur dahi rakh jaati hai. Ab Arpita na khaye toh bhi buri banegi aur khaye toh bhi uski haalat kharab hogi.

Ye Story Bhi Dekhen : Main ne 26 saal se ek hi khwab dekha hai

Nayi Bahu Ko Lag Gaye Dast | Saas Bahu Ki Kahani | Hindi/Urdu Kahaniya

Arpita poori tarah se fans chuki thi. Tabhi uski saas aa jaati hai.

Arpita ki saas, Arre Arpita bahu! Tumne abhi tak nashta nahi kiya? Kya hua… mere haath ke aalu ke parathe pasand nahi aaye kya?

Arpita, Nahi nahi maan ji, parathe to bahut tasty hain. Bas kha hi rahi thi.

Arpita ki saas, Achha achha, ye lo, saath mein ye bhi kha lo. Tumhare sasur ji tumhare liye taazi taazi jalebi aur rabri lekar aaye hain.

Vo bol rahe the ki yahan ke famous halwai ki rabri jalebi hain, to Arpita ko zaroor khilana. Bade mann se unhone tumhare liye bheji hain.

Arpita rabri jalebi bhi dekhkar pareshan ho jaati hai. Pehle hi uska pet gadbad kar raha tha, upar se rabri jalebi.

Ab sasur ji ne bheji hai. Ye kehkar saas ne kuch kehne se rok diya. Kya karein aur kya na karein?

Jabardasti saans munh mein rabri jalebi thuse jaaye. Arpita chahte hue bhi mana nahi kar saki.

Saans ke jaane ke baad Arpita pareshan ho gayi. Vo baar baar toilet bhaage, phir bahar aaye, phir bhaage, phir bahar aaye. Jis baat ka darr tha, wahi hua. Arpita ko dast lag gaye, uska pet kharab ho gaya.

Lagatar loose motion aaye ja rahe the, bilkul paani dast karte hue Arpita ko kamzori mehsoos hone lagi. Udhar se uski nanad use lene aayi.

Arpita ki nanad, Arpita, kya hua? Tum abhi tak bathroom mein hi ho? Maa bahut der se tumhara intezaar kar rahi hai. Mohalle ki auratein aur rishtedaar wagairah munh dikhai ki rasam ke liye hall mein jama ho gaye.

Arpita, Abhi aayi bas thodi der aur didi, aap chalo main aati hoon.

Arpita ki nanad, Theek hai, neeche aane se pehle mujhe awaaz laga dena.

Nanad chali gayi par Arpita ke motion rukne ka naam hi nahi le rahe the. Uski haalat lagatar kharaab ho rahi thi. Jaise taise vo taiyaar ho kar apni nanad ke saath hall mein pahunchti hai.

Sab auratein munh dikhai ki rasam ke liye aati hain aur Arpita ko phir se mitha khilane lagti hain.

Pahli aurat, Ye lo bahu, hamare haath se bhi khao. Arre! Bahu na sharam aa rahi hai, hamare haath se nahi khayegi.

Arpita ki saas, Nahi nahi, aisi baat nahi hai behan ji. Aur, Arpita bahu, aanti ji ke haath se bhi khao.

Ye Story Bhi Dekhen : Main ne 26 saal se ek hi khwab dekha hai

Nayi Bahu Ko Lag Gaye Dast | Saas Bahu Ki Kahani | Hindi/Urdu Kahaniya

Arpita jabardasti mithai ke piece kha leti hai. Sab log chai, nashta wagairah karte hain aur majboori mein Arpita ko bhi karna padta hai.

Ab Arpita se wahan baitha nahi ja raha tha. Use phir se loose motion aane lagte hain. Vo Ankit ko awaaz lagati hai, par Ankit dosto aur rishtedaaron mein busy tha.

Arpita se ruka nahi ja raha tha. Vo foran apne kamre ki ore bhaagti hai aur seedhe toilet mein jaati hai.

Kuch der baad use aaram padta hai, par ab uski haalat bigadti ja rahi thi. Arpita ko chakkar aane lagte hain.

Uska pet bhi dard ho raha tha. Vo bed par let jaati hai. Tabhi uski saas kamre mein aati hai.

Arpita ki saas, Kya hua Arpita bahu..? Tumhari tabiyat to theek hai na?

Arpita, Jee maan ji, main theek hoon. Bas aise hi…

Arpita apni saas ki baat ka jawab bhi nahi de paati ki achanak use phir se loose motion aa jaata hai aur vo toilet mein bhaag jaati hai.

Kuch der baad Arpita jab bahar aati hai to uski saas ke saath saath nanad bhi wahi khadi thi.

Arpita ki nanad, Kya hua Arpita bhabhi..? Aap kuch chhupa rahe ho?

Arpita, Didi… maa ji, vo mujhe zyada heavy khana khane se dast lag gaye hain. Kal raat se hi pet bahut gadbad kar raha hai.

Kahte kahte Arpita behosh ho jaati hai. Uski saas aur nanad dono ghabra jaati hain.

Arpita ki saas, Arre Arpita bahu! Kya hua…? Babli, ek baar Ankit aur apne babuji ko bula kar la.

Arpita ki nanad Ankit aur apne babuji ko bulaakar laati hai. Ankit doctor ko phone karta hai. Doctor aati hai aur Arpita ka checkup karti hai.

Doctor, Agar mere aane mein thori der ho jaati to Arpita ko hospital mein admit karna padta.

Arpita ki saas, Koi ghabrane ki baat to nahi hai na doctor?

Doctor, Nahi nahi, ab darne ki koi baat nahi hai. Maine injection de diya hai, loose motion ruk jaayenge. Par Arpita ko bilkul bhi heavy khana nahi dena. Bohut light khana dena hai jaise juice, fruit, khichdi, daliya, dahi wagairah, aur kuch bhi tala bhuna ya phir zyada meetha nahi dena.

Ye Story Bhi Dekhen : Main ne 26 saal se ek hi khwab dekha hai

Nayi Bahu Ko Lag Gaye Dast | Saas Bahu Ki Kahani | Hindi/Urdu Kahaniya

Doctor Arpita ko dawaiyan aur injection dekar chali jaati hai. Kuch der baad Arpita ko aaram parta hai.

Arpita ki saas, Arre Arpita bahu! Tumne pehle kyun nahi bataya? Vaise dekha jaaye to galti humari hai, hamein bhi is baat ka khyaal rakhna chahiye tha ki bahu kitna hi kha paayegi? Vo bhi apne mayke se aayi hai. Do teen din usne vahan par bhaari khana hi khaya hoga, upar se humne usko itna zabardasti khila-pila diya. Chhota sa to pet hai meri bahu ka. Haay! Re meri laado… Dekho, chehra kaise murjha sa gaya hai?

Arpita ki nanad, Maa, main abhi Arpita ke liye phalon ka juice nikalkar laati hoon.

Ankit, Sorry Arpita, main bhi tumhara khyaal nahi rakh saka.

Arpita ke sasur, Bahu, jab tumhara pet kharab tha to tum mana kar deti. Tumne hum sabka dil rakhne ke liye humari li hui cheezen ko bina kuch kahe kha liya taki hamein bura na lage.

Nayi Bahu Ko Lag Gaye Dast 1

Arpita ke sasur, Kamla, hamari bahu bohut sanskaari aur samajhdar hai.

Arpita ke sasur, Jeeti raho bahu, ghabrao nahin… Tum jaldi theek ho jaogi.

Arpita ke sasur, Kamla, Babli… Tumhein Arpita bahu ka poora khyaal rakhna hai. Theek hai..?

Arpita ki mummy ko bhi phone par ye baat pata chalti hai to unhein bhi bohut dukh hota hai ki Arpita ko shaadi se do din pehle bhi itna bhaari khana khana pada aur vo sabka dil rakhne ke liye apne mayke mein bhi kisi ko mana nahi kar paayi.

Shaadi ke baad vo apne sasural mein nayi bahu bankar aayi to bhi kisi ko mana nahi kar saki. Sabko apni galti ka ehsaas hota hai.

Ek do din mein Arpita theek ho jaati hai. Ab rishtedaari mein pehli roti khane bhi jaana tha.

Is baat ko lekar vo aur chintaa mein thi. Par is baar uski saas ne sab kuch sambhal liya.

Arpita ki saas, Arpita bahu, chinta mat karo. Agar rishtedaari mein pehli roti par jaana hai to kam se kam 2-3 din ka gap hoga. Lagatar hum bhi tumhein rishtedaari mein khane par nahi bhejenge. Jab tumhara ji chahe tab tab jaana.

Apni saas ki baat sun kar Arpita khush ho jaati hai. Vo khush thi ki usko itna achha sasural mila tha jahan parivaar ke sadasya ek doosre ki pareshani ko samajhte the.

Bistar par soosoo karne waali bahu Priya shaadi karne ke naam se dar rahi thi aur baar baar apni mummy se ek hi baat keh rahi thi.

Priya, Mummy yahan to aapne ye baat sabse chhupa li aur meri kabhi bhi insult nahi hone di. Par sasural mein ye baat kisi ko bhi pata chal gayi to…?

Aap jaante ho na mummy, vahan mera kitna apmaan hoga?

Meri saas aur pati ko ye pata chalega ki main raat mein sote waqt vistar par soosoo karti hoon jo ki mere control se bilkul bahar hai.

Maa, Priya beta, maine teri dawaiyan suitcase mein rakh di hain. Tu unhein samay par leti rehna. Tu ghabra mat, doctor ne bhi to yahi bola hai na ki tumhein tension bilkul bhi nahi lena hai.

Raat ko sone se pehle soosoo karke sona, to tumhein hi pareshani nahi hogi.

Apne khane pine ka dhyaan rakhna aur sote samay apne mobile mein aadhi raat ka alarm bhi laga lena, jaise yahan lagakar soti hoon.

Priya us waqt maa ki baat ko sun leti hai par uske mann mein is baat ko lekar bohut dar aur ghabrahat paida ho rahi thi.

Kuch dino baad Priya ki shaadi ho jaati hai aur vo apne sasural aa jaati hai. Kuch dino tak Priya apne phone mein alarm laga kar soti hai to sab kuch theek chal raha tha.

Par ek din…

Ravi, Priya, achaanak mujhe office ke kaam se bahar jaana pad raha hai. Par main do din mein waapas aa jaunga. Tum is baat ko lekar mere se naaraz to nahi ho na?

Priya, Nahi nahi, main bhala kyun naaraz hone lagi? Aapka kaam pehle hai. Aap achhe se kaam karke lautna.

Ravi ki maa, Arey Ravi beta! Tu chinta kyun karta hai? Main hoon na, bahu ka khyaal rakhne ke liye. Hum dono saas-bahu khoob maze karenge.

Uske baad Ravi kaam se bahar chala jaata hai.

Ye Story Bhi Dekhen : Main ne 26 saal se ek hi khwab dekha hai

Nayi Bahu Ko Lag Gaye Dast | Saas Bahu Ki Kahani | Hindi/Urdu Kahaniya

Usi raat…

Priya ki saas, Priya betaa, ye dekh maine hum dono ke liye kitni badiya waali ice cream mangwai hai? Hum dono milkar khate hai.

Priya (man mein), Par main to ice cream khathi nahi hoon; kyunki thandi cheezein khane se mujhe aur zyada susu aata hai. Par maa ji ko mana kaise karoon? Unhein bura lagega, mujhe ice cream khani padegi.

Priya ki saas, Hai na kitni badiya waali ice cream..? Hamare yahan ki mashhoor ice cream hai.

Ek kaam karo… jab tak Ravi waapas nahi lautata, hum dono saas-bahu ek hi kamre mein so jaate hain. Raat ko sote samay gappe maarenge.

Priya, Ji ji theek hai maa ji, jaisa aap keh rahi hain.

Priya (man mein), Ab kya karoon? Mujhe maa ji ke saath sona padega, kahin raat mein mera susu nikal gaya to…? Meri to saari sachchai maa ji aur Ravi ke saamne aa jaayegi.

Us raat Priya do baar alarm laga kar soyi thi, isliye vo raat mein do baar bathroom jaati thi. Par chinta aur dar se vo poori raat so nahi paayi thi.

Vo raat to jaise taise kat gayi. Agli raat jab Priya apni saas ke saath soyi to uska phone charge nahi tha.

Is wajah se uski battery khatm ho gayi aur phone switch off ho gaya. Priya gehri neend mein thi to use pata hi nahi chala ki use raat mein utkar bathroom jaana hai.

Agli subah jab Priya soki hain, uska poora bistar geela tha. Ghabrahat se uske pasine chhootne lagte hain.

Priya ki saas ye sab dekh leti hai aur gusse mein Priya par chillaa padti hai.

Itni der mein Ravi bhi waapas aa jaata hai.

Priya ki saas, Ravi beta, hum bed par susu karne waali bahu le aaye hain. Mujhe to sachmuch ise apni bahu kehate hue sharam aa rahi hai.

Duniyadari aur samaj mein kisi ko bhi pata chal gaya to sab log hum par hansenge. Ab main iska kya karoon? Iske maan-baap ne bhi humse is baat ko chhupaya aur to aur isne bhi humse itni badi baat chhupai.

Mujhe to kuch samajh mein nahi aa raha hai. Main to kehti hoon… ise abhi ke abhi iski maa ke ghar bhej de. Ab tu hi isse baat kar.

Ravi, Maa, mujhe ye baat jaanata hoon. Mujhe pata hai ki Priya ko raat mein bed par susu karne ki aadat hai.

Ravi ki maa, Kya..? Tu ye baat jaanata hai aur tune ye baat mujhse chhupai? Aate hi joru ka ghulam ho gaya?

Priya (man mein), Ravi is baare mein jaanate the, par unhone mujhse is baat ke baare mein poocha bhi nahi aur gussa bhi nahi kiya.

Par Ravi ko ye baat kaise pata chali? Main to rozana alarm laga kar soti hoon.

Ravi, Maa, ye baat mujhe us din pata chali jis raat Priya bahut gehri neend mein thi. Alarm maine hi band kiya tha.

Tab maine dekha Priya ke aaspaas bistar geela ho raha tha. Main usi waqt samajh gaya tha.

Ravi: Priya, yaad hai jab tune mere uthate hi bedsheet change kar di thi taaki mujhe pata na chale?

Ye Story Bhi Dekhen : Main ne 26 saal se ek hi khwab dekha hai

Nayi Bahu Ko Lag Gaye Dast | Saas Bahu Ki Kahani | Hindi/Urdu Kahaniya

Ravi ki Maa: Ravi, Priya ki nazar se socho. Wo khud is aadat se kitni sharmasar hoti hogi. Shayad ye kai raatein so bhi nahi paayi hai. Maa, aap jaanti ho is aadat ki sabse badi wajah tanav hai. Aap to khud kehti ho, kisi bhi bimari ki sabse badi wajah chinta hoti hai, aur Maa hum kitni bimariyon ka shikaar hote hain aur unhein theek karne ke saath-saath hamein apno ke sahayog ki bhi to zaroorat hoti hai.

Tabhi to hum bimari se ladkar theek ho paate. Maa is waqt Priya jo jagah khadi hai, shayad hum dono uska andaaza bhi nahi laga sakte.

Is waqt Priya ko hum dono ke sahayog ki bohat zaroorat hai. Achha, main ek baat poochun? Agar yahi aadat mujh mein hoti to phir tum kya karti?

Mere theek hone mein meri madad karti ya phir mujh par gussa karke mujhe ghar se nikal deti?

Agar aap Priya ko is ghar mein nahi rakh sakti to main Priya ko lekar kahin aur chala jaunga.

Ravi ki baaton ko sun kar Priya ki aankhon mein aansu bhar aate hain aur woh ro padti hai. Sachmuch Ravi ek achha pati hone ke saath-saath ek achha insaan bhi tha.

Ravi ki Maa: Mujhe maaf kar de, beta. Tu ye ghar chhodkar chala jaayega to main kiske sahare rahungi?

Ravi ki Maa: Mujhse bohat badi galti ho gayi, Priya bohat. Mujhe maaf kar de. Mujhe tumhein samjhna chahiye tha, naaki tumhari kamiyon ko dhoondhna chahiye tha. Ek Maa hokar bhi main tumhari pareshani ko nahi samajh paayi.

Priya: Nahi Maa ji, aap meri Maa ho aur Maa kabhi apne bachon se maafi nahi maangti. Main sachmuch kitni bhagyashali hoon jo mujhe pati ke roop mein Ravi aur Maa ke roop mein aap mili?

Priya apni saas ke gale lag jaati hai. Ye dekhkar Ravi bhi bohat khush hota hai.

Ab raat mein Priya taral padarth jyaada nahi leti thi aur samay par soti thi.

Priya kabhi agar alarm ki awaaz sunkar nahi uthati thi to Ravi use utha deta tha taaki Priya ko raat mein koi pareshani na ho.

Priya ki saas aur Ravi Priya ko khush rakhte the. Dheere-dheere Ravi aur saas ke sahayog se kuch samay mein hi Priya ki yeh aadat poori tarah se chhut jaati hai.

Khatam!!

Leave a Comment

Your email address will not be published. Required fields are marked *