Manjulika | Latest Horror Story | Ek Bhutiya Kahani | Chudail Ki Kahaniya

Manjulika

Assalam-o-Alaikum, dosto! Is naye series mein aap sabka swagat hai. Aaj ki kahani ka naam hai  “Manjulika”. Ye ek chudail ki kahani hai. To agar aapko bhi daravani kahaniyaan, bhutiya kahaniyaan, ya horror stories in Hindi padhne ka shauk hai to is kahani ko pura zaroor padhen.

Manjulika | Latest Horror Story | Ek Bhutiya Kahani | Chudail Ki Kahani

Riya aur Vihan photographers hain aur photography ke liye voh ek raja ke purane mahal mein aaye hue hain.

Riya: Yahan khade darwaze ko kyun ghur rahe ho?

Vihan: Riya, pata nahin kyun… par darwaze ke peeche se kisi ladki ki dard mein gaane ki awaaz aa rahi hai?

Riya: Vihan, ye tumhara waham hai aur kuch nahi. Mahal mein aur bhi paintings bachi hui hain. Unko scan karte hain. Kyun tum is darwaze ke peeche apna waqt barbaad kar rahe ho?

Lekin Vihan ne Riya ki baat nahi suni aur darwaze par se saare tabeez, neemboo aur mirch khol diye aur ek dhakke se darwaza khol kar Riya ke saath kamre mein chala gaya.

Riya bhi us kamre ko dekhkar chonk gayi. Jab usne kamre ko dhyaan se dekha to uski aankhen phati ki phati rah gayi.

Kamre ki deewaron par badi badi paintings aur aali-shaan murtiyan rakhi hui thi. Tabhi achanak Riya ko ek deewar ke kone mein kisi aadmi ka kata hua sar dikhayi diya.

Riya: Vihan, is sar ki murti ko dekho. Dekhne mein kitni asli lagti hai na?

Vihan: Ye to usi raja ke sar ki murti hai jiski painting deewaron par lagi hai. Par ye dekhne mein murti nahin hoobahu raja ka kata hua sar lagta hai.

Kuch samay pehle…

Senapati: Kahan mar gaye sabke sab? Raja sahab mahal mein padhar chuke hain aur yahan par abhi tak taiyariyan bhi shuru nahin hui. Kahan hai woh nayi nrityaki Manjulika? Bulao use. Raja sahab bahut shikaar karke thak chuke hain. Manjulika hi unki sewa ke liye jaayegi.

Ye Story Bhi Dekhen : Mere Padosi Ka Kutta Zipper Wala Hai 

Manjulika | Latest Horror Story | Ek Bhutiya Kahani | Chudail Ki Kahani

Daasi: Senapati sahab, woh taiyar hone ko raazi nahin hai balki usne to shringaar ka saara samaan bhi tahas nahas kar diya hai.

Senapati: Itni hi garmi hai to usse bolo ki raja sahab ke samne dikhaye, mere samne nahin. Kahan… kahan hai woh?

Manjulika ke kaksh mein…

Senapati: Kya tamasha laga rakha hai tumne? Lagta hai itni maar khake bhi tumhe akal nahin aayi? Are, apne bare mein na sahi kam se kam apne parivar ke bare mein to socho. Un sab ki jaan bhi raja sahab ki talwar ki nok par hai. Idhar tune nakhre kiye aur udhar teri nani ki gardan dhar se alag. Samjhi…? Isliye chupchaap taiyar ho ja.

Manjulika: Us vidhwaans ko bolo ki Manjulika ne ab doosron ke ishaare par naachna chhod diya hai.

Senapati: Khabardar Manjulika, agar tune apni gandi zubaan se Raja Sahab ka naam bhi liya toh.

Manjulika: Meri toh sirf zubaan gandi hai magar tera Raja vidhvans… woh toh pura ka pura ganda hai. Mujhe pane ke liye usne poore gaav ko zinda jala diya, aur ab meri nani ko maarne ki dhamki dekar mujhe naachne ko kehta hai.

Senapati Veerabhadra: Tumhara Raja budha ho gaya, kisi kaam ka nahi raha woh. Main toh kehti hoon… uske sone ke baad tu aa jaaya kar mere kamre mein. Kasam se… khush na kar diya toh mera naam Manjulika nahi.

Manjulika ki baat sunne ke baad Senapati Veerabhadra gusse se til-mila utha.

Voh Manjulika ko maarnay uski taraf badha hi tha ki tabhi kisi ki awaaz sunayi di aur Senapati Veerabhadra ke qadam vahiin ke vahiin ruk gaye.

Raja: Arey Veerabhadra! Itna bhi nahi samajhte? Yahi toh woh chahti hai ki tum use maar daalo aur use zindagi aur mujhse hamesha hamesha ke liye aaram mil jaaye.

Manjulika: Aa gaya tu…? Kasam se bada hi besharm kisam ka insaan hai tu. Itni baatein sunne ke baad bhi apna muh uthakar roz raat ko chala aata hai mere paas.

Raja: Ab kya kare Manju? Teri jawani mujhe jeene nahi deti aur marna main chahta nahi hoon. Isiliye roz aata hoon tere paas taaki khud ko zinda rakh sakoon, tujhe tadpaa sakoon, tujhe takleef de sakoon. Woh kya hai na… jab tak khoobsurat cheez par daag na laga ho, woh khoobsurat hi rehti hai, nayaab nahi hoti.

Kehate hue Raja Vidhvans jabardasti Manjulika ke gaalon ko choo leta hai. Phir dheere dheere use gusse se masalne lagta hai.

Manjulika ko aise dard mein tadapte dekh Raja Vidhvans ki aankhen chamak uthti hain. Use Manjulika ko dard se karahat te dekh maza aa raha tha.

Raja: Chal tu bhi kya yaad rakhegi ki kisi dariya dil Raja se tera pala pada tha. Ja aazad kar diya tujhe. Bas aaj aakhri baar dil kholkar meri mehfil ko roshan kar de. Uske baad main tujhe hamesha hamesha ke liye aazad kar doonga.

Manjulika (man mein): Ab main bhi apne premi ke saath khuli hawa mein saans loongi, apna parivaar basaoongi.

Raja Vidhvans apne singhasan par baitha hua tha. Uske mantri aur praja se poora sabha saji hui thi. Sab ke man mein Manjulika ka nritya dekhne ki laalasa thi.

Tab Manjulika poori tarah singaar mein doobi kisi apsara ki tarah lag rahi thi. Manjulika ka roop de praja mein baithe logon ke munh se laar tapakne lagi.

Ye Story Bhi Dekhen : Mere Padosi Ka Kutta Zipper Wala Hai 

Manjulika | Latest Horror Story | Ek Bhutiya Kahani | Chudail Ki Kahani

Raja: Nrity shuru kiya jaaye.

Raja vidhvans ke aadesh par chaaron taraf dhol nagade bajne chalu ho gaye, jise sun Manjulika bhi dhun par thirakne lag gayi. Wo poori sabha mein jhoom jhoomkar khule dil se nrity kar rahi thi aur wahi gaana bhi ga rahi thi jo ki wo apne premi ke liye gaaya karti thi.

Poori sabha Manjulika ke nrity se madhosh ho gayi. Tabhi Raja vidhvans ekdam se khada hua jise dekh poori sabha ko mano saanp soongh gaya ho. Sabke sab ekdam se shant ho gaye.

Raja: Wah Manjulika wah! Tumne aaj sabit kar diya ki meri nazar sach mein bahut kimti hai jo hero ko pehchanna bhi jaanta hoon aur unhein tarashna bhi. Jaisa ki maine kaha tha… aaj ki mehfil teri is raaz mehfil mein aakhri mehfil hogi. Par jaane se pehle itne saal jo tumne hamara manoranjan kiya, uske liye hum tumhein bheent dena chahte hain.

Raja (taali bajate hue): Arey Laila… O bhai!

Tabhi kuch daas haath mein thaal safed kapde se dhak kar laate hain.

Raja: Ye lo Manjulika hamara tohfa. Ummeed hai tumhein behad pasand aayega. Ye lo hamara pehla tohfa… tumhari maa ka sar.

Manjulika ko apni maa ka kata hua sar dekhkar sadma laga tha. Wo apni maa ka sar dekh cheekhne hi waali thi ki Raja vidhvans ne Manjulika ko baalon se pakar liya aur doosri thaali ki or badh gaya.

Praja bhi yeh sab dekh chauk gayi. Phir se ek baar sabke munh khule hue the lekin is baar uski wajah dar tha.

Raja: Ye dekh tere pita ka kata hua sar… ye rahi teri chhoti behan… ye tera chhota bhai… ye teri naani. Aur ab baari hai tere dil ke sabse kareebi insaan ke sar ki… tera premi.

Manjulika se juda har ek shakhs ka sar Raja vidhvans ne use tohfe ke roop mein bheent kar diya tha.

Manjulika

Manjulika ko bhi samajh nahi aa raha tha ki wo kiski maut ka dukh pehle manaaye. Tabhi Raja vidhvans ne apni aakhiri chaal chali.

Raja: Arey kyun… aakhiri tohfa to dena baaki hai tujhe.

Tabhi Raja ne aakhri thaal se kapda hataaya. Us thaal mein Manjulika ke chehre ki banavat jaisa hi mitti ka kata hua sar tha.

Manjulika apne sar ki moorti dekh zor zor se hasne lagi.

Manjulika: Main jaanti thi tu mere saath aisa hi karega. Lekin yaad rakh Vidhvans main jo tere saath karungi, use duniya sadiyon tak yaad rakhegi.

Isse pehle Manjulika apni baat karti, Raja vidhvans ne ek jhatke se Manjulika ka sar dhar se alag kar diya.

Manjulika ka sar karte hi poori praja phusfusane lagi thi. Sabki nazarain Manjulika ke kate hue sar par tikin thi jo ki marnay ke bawajood Raja vidhvans ko hi ghure ja rahi thi.

Kuch din baad…

Manjulika ka geet sun kar poore mahal mein afra tafri mach gayi. Charo taraf log Manjulika ke dar se bhaag rahe the.

Manjulika ab haath mein apna hi kata hua sar lekar geet gaate hue Raja ko vidhwans ke kamre ki oor ja rahi thi.

Jo koi bhi uske raaste mein use rokne ki koshish karta, Manjulika apni nazron se raushni ka waar karke un sabke tukde kar deti.

Ye Story Bhi Dekhen : Mere Padosi Ka Kutta Zipper Wala Hai 

Manjulika | Latest Horror Story | Ek Bhutiya Kahani | Chudail Ki Kahani

Main aa gayi Raja vidhwans. Dekho, tumhari Manjulika tumhare paas aa gayi. Ab bhi mujhse gussa rahoge, mere Raja.

Manjulika ki pyaar bhari baatein sunne ke baad jaise hi Raja vidhwans ne apni aankhen kholi to uski aankhen fati ki fati rah gayi.

Uske samne ek bina sar ka dhadd tha jiska sar dhad ke haath mein latka hua usse baatein kar raha tha.

Raja vidhwans isse pehle ki kuch samajh pata, Manjulika Raja vidhwans ke andar vilin ho gayi aur poore shareer par kabza kar liya.

Ek sipahi bhagta hua senapati ko soochit karne ke liye jata hai.

Sipahi: Senapati ji, Manjulika ki aatma Raja ji ke shareer par kabza kar chuki hai.

Sipahi ki baat sun senapati Veerabhadra turant hi Raja ke kamre ki oor jata hai. Lekin usne jo manzar dekha wo senapati kabhi nahi bhool sakta tha.

Raja vidhwans apne hi seene ka maans noch kar kha raha tha. Is beech Raja ki nazar jaise hi sipahi aur uske sipahiyo par padi to usne apni aankhon ki nazar bhar se sipahiyo ke tukde kar diye par senapati ko zinda chhod diya.

Manjulika: Tu mujhe maarna chala tha na? Ja, maine tujhe zinda chhoda. Bacha sakta hai to bacha le.

Tere paas 2 din ka samay hai varna main poore rajya ko khatm kar dungi. Itihas ke panno mein sahi mein ek naam rahega aur kuch nahi.

Agale din…

Senapati: Baba, us Manjulika ke naam se saara rajya dara hua hai. Ab aap hi kuch upaay bataaiye.

Baba: Beta, begunah logon ki jaan lene par to Bhagwan tak ko shraap bhogna padta hai aur Manjulika to phir bhi ek aatma hai.

Tum na use use uska badla pura karne do phir wo apne aap tum sabko zinda chhod degi.

Senapati: Iska matlab to Raja vidhwans ko marna hi hoga?

Baba: Haan beta, Raja vidhwans ko marna hoga aur use tum maroge wo bhi tumhare khud ke haathon se.

Ye Story Bhi Dekhen : Mere Padosi Ka Kutta Zipper Wala Hai 

Manjulika | Latest Horror Story | Ek Bhutiya Kahani | Chudail Ki Kahani

Aur tumhein use jism ke saath tukde karne honge jinme se chaar ko chaaro alag alag dishaon mein dafnaana hoga aur baaki ke teen tukde aag, paani aur zameen mein vilin karna hoga. Tabhi Manjulika ki aatma ko kaabu kiya ja sakta hai.

Jab senapati raja vidhvans ke kamre mein gaya to usay iss baar ek aur ghinouni haqiqat ka samna karna pada. Usne dekha ki raja vidhvans pair ke oopar ka saara maans nochkar kha chuka tha.

Senapati: Raja ji, ho sake to mujhe maaf kar dena. Maasoom praja ka sawal hai.

Itna kahkar senapati raja vidhvans ke jism ke tukde tukde kar deta hai aur baari baari se raja ke jism ke tukde ko bore mein bharne lagta hai.

Senapati: Manjulika, maine bahut koshish ki thi ki tumhein is sone ke pinjre se azaad kara sakun lekin main buri tarah se nakamyaab raha. Lekin tumne apni azaadi khud hi dhoondh li. Kash! Tumhare zinda rehte huye tumse ye sab keh pata.

Lekin Manjulika: main tumse pyaar karta tha, karta hoon, aur karta rahunga. Aur ye sab isliye ki itihaas tumko yaad rakhe aur shayad is bahane mera bhi zikr ho jaaye.

Agale din senapati baba ke saath milkar raja ke kamre ka darwaza mantr aur taweez se hamesha hamesha ke liye band kar deta hai taaki kabhi bhi phir Manjulika ki aatma kisi ko pareshaan na kar sake.

Lekin tab kya hoga jab khud hi koi Manjulika ke samne marne chala aaye?

Riya aur Vihan us sar wali moorti ko dekh hi rahe the ki tabhi us moorti ne apni aankhein khol di.

Aankhein ekdam laal thi jise dekhkar Riya aur Vihan buri tarah se dar jaate hain aur bhagne lagte hain.

Lekin tabhi us moorti ki aankhon mein se tej roshni nikalti hai aur Riya aur Vihan ke tukde-tukde kar deti hai.

Khatam!!

Leave a Comment

Your email address will not be published. Required fields are marked *